[[SUKU LAMPUNG]] TAMBO PAKSI BUWAY NYERUPA ZURIAT PAKSI BUWAY NYERUPA DI SEKALA BEKHAK

Diposting Oleh Diandra Natakembahang

 

-1-

Adjo suchat umanat saja nama Chatu Pikulan, kepala machga Sukau Liwa Ulu Kechui, sampai dianak umpu djemoh sawai ni.

Pasalni sai tuha - tuha ni sai Buai Njachupa belahan djak Pagach Chujung machi bagi sai tuha-tuha chadu min pitu siba, muak muak ni siba, siba dimesich. Gechalni Malawan, adok Chatu Pikulan. Ganti anakni gechal Thechana, ia siba di Rum buadok Dalom Pikulan. Buganti anakni gechal si Gadjah siba di mesich djuga buadok Chatu Pikulan. Ganti anakni gechal si Tjachana siba di Landab buadok Dalom Pikulan. Ganti anakni muneh gechalni Gadjah siba di Mantacham buadok Chatu Pakulun. Ganti muneh anakni gechal si Malawan siba di Mantacham djuga buadok Pangiran Ratu Kulun. Ganti anakni gechal si Chasan siba di Banton djenongni Pikulan Chatu di Lampung. 

Ana chisokni siba machi tuttop di machga Sukau. Ganti anakni gechalni Malawan buadok Batin Djunjungan Chatu di Lampung. Anakni si Chasan buadok Dalom Pechabu Djagat. Anakni gechal Tjachana anak Batin Mangunang Bala Sechibu. nganakko bugechal si Pikok adokni Dalom Pikulun ana djo ia djaman sai radu ni tuttop Chatu Buai Njachupa megang adat hukum machga Sukau Penggawa Pak sai dibah ni cham bachong bachong megang hukum hantak djadjama hulun lawan kita.

Machga Liwa Pachwatin chua belas sai kebak kita juga. Machga Kechui Pachwatin disan do kita djuga kebak ia machi sai tipandaji handak kalawan halom ana do sunjin panjechahan kita. Machga semaka kita djuga sai dikebak ia. Pachwatin nom sai ditutuk ko megang ia sai ngatahui handak halom ni Way Nipah. Ana do Gaja ni njin machga ingok ingok. Way Tegaga numpang di cham pok di di tanoh bumi ni sai sai Buay Njechupa. Tanoh bumi di semaka sai necham nengon ia, djak Tjukuh Chedak nutuk Pematang Sawa chegah di Way Tjampak Lajak sampai Negeri Changgak mit Kandachan luach lawok ana do cham sai nengon ia tanoh bumi Semaka. Tanoh bumi di semaka sai necham nengon ia, djak Tjukuh Chedak nutuk Pematang Sawa chegah di Way Tjampak Lajak sampai Negeri Changgak mit Kandachan luach lawok ana do cham sai nengon ia tanoh bumi Semaka.

Chegah djak Seminung mit di way panan Djulang mit di Kawoeh Tebak tjakak pematang Changla mutus watos Kiwis nutuk pumatang sampai Pesagi Lunik ngambelah Pesagi Balak chegah Tjanggiching mutus Hilian Chubok mit Nanakan tjuchup ngambelah Bawan Bechi tjakak Pematang Sekenui chegah sekuting mit di Way suluh tebong titi Djelatong nutuk Way Andachuman tjakak di Pematang Kuk mit Ulu Sebabui nutuk Way Andachijung ulu Tenumbang mit Pematang Heling sampai Pematang Nebak lantjah Pematang Nebak Penangisan chegah Pantau munggak nutuk Way Djangkach tjakak Gunung Timbangan lantjach Peninggaman chegah wai tjakak Pematang Kukusan nutuk Pematang Sawa mit di Sulung mit di Kawat Kerambai mit seminung ana chapakni tanoh bumi ni sai Buay Njachupa.

-2-

Petjohanni Buay Njerupa pagar Warkuk pekon sai. Gunung kerta pekon sai. Surabaja medoh pekon sai. Karang Agung. Pundjung Menjantjang Doh. Pekon Nipak. Pekon Mon wakil cham. Pekon sai di Kalumbaian. Punduh machga sai. Sukau, Batu Handak Jantachan machga sai. Labuhan Mechinggai di Abung. Pagardewa machga, Gedung menan, Basuki. Lubuk tenong, Sungai kibau Tiuh balak, Ratai Way Uchang. Tjibuachan Tachujung. kitubang ano petjohni Buay Njerupa. Ano de ia tartulis pada nom achi Sja'ban Hadjerat Nabi Sachibu chua chatus telu ngapuluh [1230 H]. kamering Njapah machga sai....................[tidak terbatja]. machi umanatku djo lagi dianak umpu sai.............djedjanni bunama Paksi Pak. Kembahang Ratu Buay Bedjalan Diway, tuchun manuchun manuchun Chatu mak tjok lebon. Sukau, Ratu Buay Njarupa katutukan Paksi tuchun manuchun Chatu mak mingan lebon chatu migang penggawa Pak ki Sukau Pachwatin chua belas, Liwa. Pachwatin telu di Kerui pachwatin sai di machga. wachkuk nunggu watos chanau kawoch nebak. Kanali ratu Buay Belunguh tuchun menuchun chatu djak Paksi. Tanumbang Ratu Buay Pernong tuchun manuchun chatu djak Paksi. ....................................................................
....................................................................
....................................................................

 [Tiga baris tidak dapat dibatja lagi, sangat kabur dan hitam pekat]

Dibatja dan disalin oleh  Rasyidi Syarief dari stamboon Had Lampung memakan waktu 9 djam, pada malam selasa, 21/22 Nopember 1960.